Beganifs – Aur

Mae Dafydd Tomos wedi bod yn gwneud cyfraniad mawr wrth ddigideiddio a rhyddhau clasuron coll Cymraeg ar ei flog. Ar ôl clywed addasiad Jakokoyak o Breuddwyd gan Ust ar C2 wythnos diwethaf cododd chwilfrydedd ynof i glywed y gwreiddiol eto – roedd y gwreiddiol ar y Casset aml-gyfrannog Hei Mr DJ, ac roedd Dafydd wedi ei ddigideiddio a’i rannu ar ei flog nol yn 2005, diolch Dafydd.

Datblygodd y drafodaeth ar Twitter a chofiais i mi ddigideiddio fy hen gasetiau o Ffraeth ac Aur gan Beganifs. Roedd Dafydd eisoes wedi rhannu Ffraeth yma ond hyd yma doedd neb wedi rhannu Aur felly dyma fi’n gwneud hynny ar y blog heddiw.

Roedd Ffraeth ac Aur yn ddylanwadau ffurfiannol arna i yn gerddorol – roeddwn i’n 7 neu’n 8 mlwydd oed pan rhyddhawyd y ddwy gasét ac roeddwn ni wedi fy mopio’n llwyr gyda’r gerddoriaeth. Isod mae rhywfaint o’r gwaith celf ac o dan hynny y traciau eu hunain. Roedd Aur yn “gapless album”, dyna sydd i esbonio pam fod rhai o’r traciau yn ymddangos fel petaent yn stopio’n ddisymwth os ydych chi’n gwrando ar y traciau’n unigol.

Ochr Un
01 Crisial 5.01 munud / 6.8 MB
02 Dan Enw 4.11 munud / 5.8 MB
03 Llygaid Y Lloer 5.06 munud / 7.0 MB
04 Pethau Arall 5.51 munud / 8.1 MB

Ochr Dau
05 Her 3.13 munud / 4.5 MB
06 Ffaith 4.37 munud / 6.4 MB
07 Isabel 5.34 munud / 7.7 MB
08 Melys Fêl 4.06 munud / 5.7 MB

6 thoughts on “Beganifs – Aur

  1. Dafydd Tomos

    Diolch Rhys! O weld y clawr dwi’n eitha siwr fod gen i gopi rhywle, ond mae’n handi cael yr mp3s yn y cyfamser.

  2. Pingback: Beganifs – MP3 o’r archif | Y Twll

  3. Rhys

    Diolch dalpie, Rhys. Aur oedd yr albwm cyntaf Cymraeg i mi brynu dw i’n siwr ac fe newidiodd fy agweddau tuag at gerddoriaeth Cymraeg (er gwell!) am byth – cyn hynny, mond Sobin a’r Smeiliaid o’n i wedi cylwed amdanynt.

    Ddim syniad ble mae’r hen gset wedi mynd, felly mae’r mp3’s yma’n ddefnyddiol tu hwnt. Mae wedi bod yn ffasiynol ail gyhoeddu back catalog llawer o grwpiau Cymraeg el box sets yn ddiweddar – falle bod galw am un ar gyfer y Beganifs/Big Leaves (neu oedd aelodau gwahnol i’r ddau fand?)

  4. Nic Dafis

    Gwych, diolch i ti am hyn, Rhys. Un arall o fy hen ffêfs o’r amser o’n i’n ddysgwr, a darganfod cerddoriaeth Gymraeg am y tro cyntaf.

Leave a Reply

Your email address will not be published. Required fields are marked *